Маладзёвую актывістку Кацярыну Салаўёву прысудзілі да штрафу

8 красавіка ў Полацку адбыўся суд над актывісткай незарэгістраванай арганізацыі “Малады Фронт” Кацярынай Салаўёвай. У залу судовага пасяджэння змаглі патрапіць не ўсе жадаючыя, якіх было некалькі дзесяткаў.

Кацярыну Салаўёву абвінавачвалі ў дзейнасці ад імя незарэгістраванай арганізацыі “Малады Фронт”, што яна і не адмаўляла ў часе судовага працэсу. Калі ёй было дадзена апошняе слова, яна сказала, што калі ёй за віну ставіцца тое, што яна абараняе незалежнасць Беларусі, мову, культуру і хрысціянскія прынцыпы, па якіх павінная жыць краіна, то яна прызнае гэтую віну, “і толькі ў гэтым, ні ў чым большым”.

Суддзя прысудзіла Кацярыну Салаўёву да грашовага штрафу ў памеры 50 базавых адзінак (у пераліку 1 мільён 750 тысяч беларускіх рублёў). Хаця пракурор патрабавала 200 базавых адзінак (больш за 2,5 тыс.еўра).

Падчас пасяджэння ля судовага будынку адбылася акцыя ў падтрымку Кацярыны Салаўёвай. І ў гэты час не адбылося без сутыкненняў з супрацоўнікамі міліцыі.

Паводле радыё “Нямецкая хваля”