Выйшла па-беларуску кніга «Піпі Доўгаяпанчоха» Астрыд Ліндгрэн

Перакладчык Дзмітры Плакс, каардынатарка праекту – Аляксандра Макавік, рэдактар — Юрась Бушлякоў, дызайн і макет — Генадзь Мацур, выдавец Зміцер Колас.

« Піпі Доўгаяпанчоха: / Астрыд Ліндгрэн. — Мінск, Зміцер Колас, 2008. — 176 с.: іл.

Піпі Доўгаяпанчоха — самая моцная, вясёлая, добрая і багатая дзяўчынка ў свеце. Яна павандравала па морах і акіянах і ўрэшце разам з канём і малпаю Спадаром Нільсанам пасялілася ў Віле Кавардакуле. У суседнім доме жывуць Томі і Аніка, якім стала нашмат весялей, калі з’явілася сяброўка. Бо Піпі гатуе імберцавае печыва проста на падлозе, падымае каня на выцягнутых руках і гуляе ў квача з паліцэйскімі, якія прыходзяць забраць яе з дзіцячы дом», гаворыцца ў анатацыі да кнігі.

Выданне ілюстраванае арыгінальнымі малюнкамі дацкай мастачкі Інгрыд Ванг Нюман.

Прэзентацыя кнігі адбудзецца 10 красавіка ў мастацкай галерэі «Лабірынт» Нацыянальнай бібліятэкі Беларусі.

Арганізоўваюць прэзентацыю Аддзяленне Пасольства Швецыі ў Мінску пры падтрымцы Шведскага Iнстытуту сумесна з Нацыянальнай бібліятэкай.

Паводле “Нашай Нівы”