Мінскай рыма-каталіцкай дыяцэзіі сёння спаўняецца 210 гадоў

210 гадоў назад, 28 студзеня 1798 г., была заснаваная Мінская рыма-каталіцкая дыецэзія. Гэта была адміністрацыйна-тэрытарыяльная адзінка каталіцкай царквы ў канцы XVIII – XX стагоддзя.

Тэрыторыя супадала з межамі Мінскай губерні. Першым біскупам быў Якаў Дэдэрка. Пры ім Папа Пій VI даслаў у Мінск мошчы святога Феліцыяна, якія знаходзіліся ў Марыінскім манастыры.

У 1869 г. дыецэзія была скасаваная, а яе тэрыторыя ўключана ў Віленскую рымска-каталіцкую дыяцэзію. У лістападзе 1917 г. дзейнасць Мінскай рыма-каталіцкай дыяцэзіі была адноўленая, а ў 1925 г. часткова на яе тэрыторыі, якая адышла да Польшчы, створана Пінская рыма-каталіцкая дыецэзія.

У 1991 г. была створана Мінска-Магілёўская рыма-каталіцкая дыецэзія, якая з’яўляецца пераемніцай Мінскай і Магілёўскай дыяцэзій, з 2000 г. яна ахоплівае тэрыторыі Мінскай і Магілёўскай абласцей.

Паводле БЕЛТА