Конкурс для спецыялістаў трохмернага мадэлявання

БДУ культуры і мастацтваў і партал камп’ютэрнай графікі cgtalk.by абвяшчаюць першы міжнародны конкурс “Трохмернае мадэляванне аб’ектаў гісторыка-культурнай спадчыны Беларусі”.

Удзельнікам прапануюцца для віртуальнай рэстаўрацыі адны з найбольш каштоўных помнікаў архітэктуры Беларусі: Белая Вежа, Мірскі замак, Каложская царква ў Гародні, царква ў Сынкавічах, Рэфарматарскі храм у Заслаў’і, Ратуша ў Магілёве (зруйнаваная), Замкавая вежа Нясвіжа, Лямус манастыра брыгітак у Гродне.

На першым этапе конкурсу ўдзельнікі прадстаўляюць у журы эскізы, на другім – трохмерныя аб’екты.

Арганізатары конкурсу ставяць перад сабой задачы:

- папулярызацыі гісторыка-культурнай спадчыны Беларусі;

- прыцягнення ўвагі спецыялістаў у галіне камп’ютэрнай графікі і інфармацыйных тэхналогій да стварэння рэсурсаў культуры і мастацтва;

- садзейнічання развіцця трохмернага мадэлявання аб’ектаў гісторыка-культурнай спадчыны Беларусі;

- рэканструкцыі страчаных помнікаў і аднаўленне віду пабудоў на разнастайныя моманты іх жыцця;

- стварэння спецыялізаванага рэсурсу ў інтэрнэце па тэматыцы конкурсу.

Арганізатары запрашаюць да ўдзелу ў конкурсе ўсіх жадаючых, у тым ліку з Замежжа.

Каштоўныя прызы прадстаўлены кампаніямі “NVidia” і “Wacom”.

Падрабязнасці на сайце cgtalk.by.

Палажэнне аб конкурсе, заяўку ўдзельніка і патрабаванні да творчых работ глядзіце тут.

Інфармацыйны цэнтр МГА “ЗБС “Бацькаўшчына”