Прэзентацыя кнігі “Паваенная эміграцыя: скрыжаванні лёсаў”

3 мая ў 18.00 адбудзецца прэзентацыя кнігі Аляксандра Адзінца “Паваенная эміграцыя: скрыжаванні лёсаў”. Месца правядзення: пр-т Машэрава, 8 (былая Варвашэні).

Кнігу складаюць эксклюзіўныя ўспаміны 73-х прадстаўнікоў беларускай дыяспары, якія па волі лёсу апынуліся ў розных краінах свету.

У біяграфічных аповедах адлюстраваны падзеі Другой сусветнай вайны, эміграцыя, а таксама асаблівасці станаўлення беларускага жыцця на чужыне і яго сучасны стан.

Падчас прэзентацыі будзе магчымасць задаць пытанні аўтару-ўкладальніку А.Адзінцу (які апошнія шэсць гадоў жыве ў Германіі) не толькі аб працы над кнігай, а і аб працэсах, што адбываюцца ў беларускай эміграцыі сёння.

У прэзентацыі таксама возьмуць удзел: Алег Гардзіенка, Вольга Іпатава, Эдуард Акулін, Генадзь Бураўкін ды інш.

Уваход вольны.

Інфармацыйны цэнтр МГА “ЗБС “Бацькаўшчына”