Расійская Дзярждума рэзка асудзіла " разгон законна абранай Вярхоўнай Рады " Украіны

" За " прыняцце заявы па Украіне прагаласавала 342 дэпутаты Дзярждумы РФ.

Дзяржаўная Дума РФ у пятніцу прыняла заяву " Аб сітуацыі на Украіне і неадкладных задачах развіцця і паглыблення расійска - ўкраінскага сяброўства і супрацоўніцтва ". У дакуменце расійскія дэпутаты выказалі " рэзка негатыўнае стаўленне да спроб вырашыць палітычны крызіс шляхам разгону законна абранай Вярхоўнай Рады ".

Адмысловую заяву расійскіх парламентарыяў падрыхтавалі чальцы Камітэта Дзярждумы па справах Садружнасці Незалежных Дзяржаў і сувязях з суайчыннікамі і Камітэта па міжнародных справах .

У дакуменце дэпутаты выказалі заклапочанасць у сувязі з унутрыпалітычным крызісам на Украіне і " рэзка негатыўнае стаўленне да спроб вырашыць палітычны крызіс шляхам разгону законна абранай Вярхоўнай Рады ", паведамілі ў Кіраванні па сувязях з грамадскасцю і ўзаемадзеянню са СМІ Дзяржаўнай Думы Расіі .

Па меркаванні аўтараў заявы , падпісаны прэзідэнтам Украіны Віктарам Юшчанка ўказ аб датэрміновым спыненні паўнамоцтваў Вярхоўнай Рады супярэчыць Канстытуцыі Украіны , і прэзідэнцкая ўлада Украіны падае " вельмі небяспечны сігнал палітычным сілам аб выхадзе за рамкі прававога поля ".

Акрамя таго , расійскія заканадаўцы выказалі трывогу адносна заяў аб магчымасці аб'яўлення на Украіне надзвычайнага становішча .

" Гэта было б , па сутнасці , актам узурпацыі ўлады ў дзяржаве . Прыняцце такога антыканстытуцыйнага рашэння , якое ў корані разыходзіцца не толькі з палітычным , але проста з разумным сэнсам , надзвычай ускладніць палітычныя , эканамічныя і іншыя адносіны замежных дзяржаў з Украінай ", - гаворыцца ў заяве расійскай Дзярждумы .

" Дэпутаты заклікалі парламентарыяў замежных дзяржаў , асабліва тых , якія далі самую высокую ацэнку парламенцкім выбарам на Украіне … " заняць сапраўды прынцыповую пазіцыю і выразна выказаць сваю салідарнасць з украінскімі парламентарыямі , паколькі ў наяўнасці выклік самой ідэі парламентарызму ", - адзначаецца ў паведамленні Кіравання па сувязях з грамадскасцю і ўзаемадзеянню са СМІ Дзярждумы РФ .

***

Вярхоўная Рада Украіны ўпершыню будзе працаваць на Вялікдзень .

Тым часам стала вядома , што ўкраінскія парламентарыі не збіраюцца прыпыняць працу нават на Вялікдзень . Дэпутаты праўрадавай кааліцыі растлумачылі гэтае рашэнне пагрозай сілавога захопу будынка Вярхоўнай Рады .

" Па ўсёй верагоднасці , мы сапраўды будзем у парламенце і адзначаць Нядзелю Хрыстову . Я , напрыклад , пайду ўначы ў царкву , а потым з раніцы мы прыйдзем адразу ў парламент . Уначы тут будзе дзяжурыць зменны склад ", - прыводзіць " Новы Рэгіён " словы дэпутата ўкраінскага парламента ад Сацыялістычнай партыі Васіля Волгі .

" Мы будзем працаваць для таго , каб не было ніякіх правакацый , маса людзей у гэты час будуць знаходзіцца на вуліцах . Пасля ўчорашняга рашэння Савбесу адзіныя легітымныя органы - гэта парламент і кабмін", - растлумачыў парламентарый і дадаў , што , " каб кантраляваць сітуацыю , парламент павінен працаваць ".

telegraf.by