Еўрасаюз і АБСЕ патрабавалі вызваліць Мілінкевіча

Еўрапейскі саюз і Арганізацыя па бяспекі і супрацоўніцтву ў Еўропе патрабавалі ад Беларускіх уладаў вызваліць палітычных зняволеных, у тым ліку лідэра апазіцыі Александра Мілінкевіча.

У кіраўніцтве Еўрасаюза “збянтэжана” успрынялі весткі аб арышце Мілінкевіча на 15 сутак “за актыўны удзел у несанкцыянаваных мерапрыемствах”.

Аб гэтым гаворыцца ў распаўсюджанай у Вене заяве старшыні ЕС, якім у гэты час з’яўляецца Аўстрыя. ЕС лічыць, што Мілінкевіч “проста скарыстаў сваё права на волю слова і сходаў”, заўважаецца ў дакуменце.

Еўрасаюз паўтарыў сваё патрабаванне “без замаруджвання вызваліць усіх палітычных заключаных, у тым ліку і Мілінкевіча”.

У сваю чаргу старшыня АБСЕ, міністр замежных спраў Бельгіі Карэл дэ Гюхт заклікаў улады Беларусі ез замаруджвання вызваліць аднаго з лідэраў апазіцыі Аляксандра Мілінкевіча.

“Такая мера (адміністратыўны арышт) з’яўляецца новым сведчаннем недахопу павагі з боку беларускіх уладаў у дачыненні да дэмакратычных каштоўнасцей, у тым ліку права на волю выказвання і сходаў”, — гаворыцца ў распаўсюджанай у чацвер у Бруселі заяве дэ Гюхта.

Ён накіраваў адпаведны ліст на імя Александра Лукашенкі, назваўшы дзеянне беларускага боку ў адносінах прадстаўніка апазіцыі “непрымальнымі”.

“РИА Новости”, БДГ