З 23 студзеня па 27 лютага 2010 г. у берлінскай галерэі “Мікалай” праходзіць выстава беларускага мастака Уладзіміра Хадаровіча "Фарбы маёй Беларусі".

Адрас галерэі: Spandauer Straße 25, 10178 Berlin

Уладзімір Хадаровіч працуе ў розных жанрах, але аддае перавагу нацюрмортам, у якіх нязменна прысутнічае блізкасць да вечных каштоўнасцяў жыцця і традыцыйнай культуры Беларусі. Мастак распрацаваў сваю аўтарскую канцэпцыю - сувязь з этнічнымі вытокамі праз прадметны сімвалізм.

Старадрукаваныя кнігі, кераміка, абразы, саматканыя ручнікі ва ўспрыманні мастака - гэта не проста рэчы, гэта культурны слой, які ён адлюстроўвае дзеля адраджэння нацыянальнай свядомасці праз сваю шчырую любоў да Радзімы, да яе культуры.

Паводле сайту Пасольства Рэспублікі Беларусь у Федэратыўнай Рэспубліцы Германія