|
Выйшла з друку кніга Зміцера Сасноўскага “Гісторыя беларускіх музычных уплываў”
|
|
03.09.2010
|
 Пабачыла свет кніга лідэра гурта “Стары Ольса” Зміцера Сасноўскага пад назвай “Гісторыя беларускіх музычных уплываў”.
Кніга прысвечана ўплыву беларускай музыкі на музычнае мастацтва блізкіх і далёкіх суседзяў, а таксама яе прысутнасці ў свеце.
Разглядаецца творчасць кампазітараў беларускага паходжання за мяжой і іх еўрапейскае прызнанне (Міхал Клеафас Агінскі,Станіслаў Манюшка, Напалеон Орда ды інш.), уключэнне беларускіх народных мелодый у творы вядомых кампазітараў (Людвіг ван Бетховен, Фрыдэрык Шапэн, МадэстМусаргскі, Пётр Чайкоўскі), пашырэнне ў замежжы беларускіх нотных матэрыялаў.Чытач знойдзе цікавыя звесткі пра навучанне ў Беларусі замежных музыкаў і музычнае жыццё беларускай эміграцыі ў ХХ ст.
У канцы кнігі змешчаны спіс літаратуры па тэме даследавання.
Кніга напісана вельмі займальна, яна ўтрымлівае багаты ілюстрацыйны матэр’ял. Думаецца, што гэтая кніга будзе цікавай не толькі прафесійным музыкам, але і ўсім, хто хацеў бы больш ведаць пра гісторыю Беларусі і беларускай музыкі ў прыватнасці.
Кніга выдадзена дзякуючы падтрымцы МГА “Згуртаванне беларусаў свету “Бацькаўшчына” і кіраўніцы Дабрачыннага фонду “Этнічны голас Амерыкі” (ЗША) спадарыні Ірэны Каляды-Смірновай.
Гісторыя беларускіх музычных уплываў / Зміцер Сасноўскі. – Мінск: Медысонт, 2009. – 140 с.
Інфармацыйны цэнтр МГА “ЗБС “Бацькаўшчына”
|
Выйшла з друку кніга Зміцера Сасноўскага “Гісторыя беларускіх музычных уплываў” 
