Зборнік склалі працы пераможцаў конкурсу маладых навукоўцаў «Беларускай дыяспары прысвячаецца», які ладзіла МГА «Згуртаванне беларусаў свету «Бацькаўшчына» ў 2004 г. Матэрыялы яскрава адлюстроўва юць сучасны стан даследавання дыяспары.

МГА «ЗБС «Бацькаўшчына» плануе ператварыць згаданы конкурс у доўгатрывалы праект дзеля фарміравання сур'ёзнага аўтарскага калектыву, здольнага на высокім узроўні вывучаць праблемы гісторыі беларускай дыяспары. Гэты зборнік - першы з шэрагу публікацый падобнага кшталту— уяўляе сабой хутчэй пастаноўку праблемы неабходнасці вывучэння гісторыі дыяспары, чым яе вырашэнне.

Кніга Лявона Юрэвіча «Мэмуары на эміграцыі» – чацьвертая кніга сэрыі «Бібліятэка Бацькаўшчыны», заснаванай МГА «ЗБС «Бацькаўшчына» ў 2004 г. Дасьледаваньне з’яўляецца лягічным працягам папярэдніх працаў Л. Юрэвіча, а найперш «Беларускай мэмуарыстыкі на эміграцыі», што пабачыла сьвет у 1999 г. у Нью-Ёрку. У кнізе ўпершыню ўводзіцца ў навукова-дасьледчы зварот агромністае нявыкарыстанае багацьце беларускіх эміграцыйных мэмуараў, якое можа стаць і стымулам, і асноваю новых грунтоўных дасьледаваньняў. Поўнымі тэкстамі ў гэтым томе друкуюцца два аўтары – Уладзімер Дудзіцкі й Вольга Таполя.

Кніга ўспамінаў Марыі Ганько пра свайго мужа, чальца Саюзу Беларускай Моладзі, аднаго з заснавальнікаў і старшыні Згуртаваньня Беларусаў Канады Міколу Ганька (1924—1999). Друкуецца дзёньнік М. Ганька, дзе занатаваны асноўныя падзеі 1943—1948 гадоў, ліставаньне з грамадзкімі дзеячамі Канады і ЗША, выбраныя артыкулы. Гэтая кніга — пятая ў сэрыі «Бібліятэка Бацькаўшчыны», заснаванай МГА «Згуртаваньне беларусаў сьвету «Бацькаўшчына» ў 2004 г.

Кніга Ірыны Варабей «Там, дзе сэрца маё» — шостая з сэрыі «Бібліятэка Бацькаўшчыны», заснаванай МГА «ЗБС «Бацькаўшчына» ў 2004 г. Артыкулы, эсэ, пераклады й аповеды аўтаркі — беларускае жанчыны, што цяпер жыве ў Канадзе — прысьвечаныя дзейнасьці беларускіх эмігрантаў у гэтай краіне, а таксама асэнсаваньню значных момантаў жыцьця чалавека й Бацькаўшчыны.

У склад зборніка ўвайшлі творы дзевяці беларускіх празаікаў, што былі напісаныя нашымі суайчыньнікамі на землях Амэрыкі і Аўстраліі, Нямеччыны й Фінляндыі ў XX стагодзьдзі, ад эсэ Юркі Віцьбіча, датаванага 1950 г., да апавяданьня Васі_ля Быкава, дасланага ў 1999 годзе з Гэльсінкаў у Нью-Ёрк для публікацыі. Аўтары апавядаюць пра беларускіх багоў, пра Францыска Скарыну й Міколу Гусоўскага, пра ваяроў Вялікага княства Літоўскага...

Кніга «Летапісны звод сусьвету Чалавека Сьведамага» — восьмая ўсэрыі «Бібліятэка Бацькаўшчыны» ды першая ў сумесным выданьні МГА «ЗБС «Бацькаўшчына» й Беларускага Інстытуту Навукі й Мастацтва (ЗША).

Манаграфія «Летапісны звод сусьвету Чалавека Сьведамага» пабудавана на архіўных матэрыялах, успамінах чальцоў рэдакцыйных калегіяў, унікальных друках часоў лягераў ДП. Аўтар прасочвае ня толькі гісторыю газэтаў «Бацькаўшчына» й «Беларус», але й лёсы сяброў рэдакцыі, насьвятляе кола ідэяў і тэмаў, што абмяркоўваліся на старонках газэтаў. У кнігу ўключана бібліяграфія тэматычных артыкулаў, а таксама ўпершыню створаны слоўнік псэўданімаў і крыптанімаў дзеячаў эміграцыі.

Натальля Гардзіенка (рэдактар нумару),
Алег Гардзіенка, Лявон Юрэвіч.

УВАГА: Гэты том працягвае сэрыйнае выданьне ЗАПІСЫ, запачаткава нае ў 1952 г. Першыя 6 тамоў ЗАПІСАЎ у 1952—1954 гг. выйшлі ў Нью-Ёрку; 5 наступных у 1962—1970 гг. друкаваліся ў Мюнхене. З 12-га (1974) па 24-ы (1999) том ЗАПІСЫ друкаваліся ў Нью-Ёрку. З 2002 г. выдаецца ў Менску.

У новую кнігу беларускай паэткі з Санкт-Пецярбурга ўвайшлі вершы апошніх гадоў, для якіх характэрныя разуменне душы чалавека, ягонага настрою, пачуццяў кахання і мацярынства, любові да дзяцей.

Роздум аўтара над агульначалавечымі каштоўнасцямі і спрадвечнымі пытаннямі чалавека, якія ён задае сабе, адлюстроўваюць спеласць лірычных думак Аўгінні Кавалюк. Кніга выдадзена па замове і коштам МГА «ЗБС «Бацькаўшчына».